- Auglýsing -
Handknattleiksmaðurinn Benedikt Emil Aðalsteinsson hefur gengið á ný til liðs við Víkinga eftir að hafa leikið með færeyska liðinu KÍF í Kollafirði síðan í október. Félagaskipti Benedikts til Víkings hafa verið staðfest á félagaskiptasíðu HSÍ og er hann þar með gjaldgengur með liði félagsins.
Viktor Lekve þjálfari KÍF segir í viðtali við Handkastið að Benedikt Emil hafi ákveðið að snúa heim til Íslands af persónulegum ástæðum. Alls skoraði Benedikt 53 mörk fyrir KÍF sem situr í sjötta sæti af sjö liðum færeysku úrvalsdeildarinnar.
Staðan og næstu leikir í Grill 66-deildum.
- Auglýsing -
