- Auglýsing -
Þorsteinn Leó Gunnarsson skoraði ekki mark fyrir Porto í gærkvöld þegar liðið tapaði með fimm marka mun fyrir helsta keppninaut, Sporting Lissabon, 40:35, í 16-liða úrslitum portúgölsku bikarkeppninnar í handknattleik í gærkvöld. Leikurinn fór fram í Porto.
Orri Freyr Þorkelsson var ekki í leikmannahópi Sporting. Francisco Costa lék við hvern sinn fingur og skoraði 13 mörk fyrir Sporting og bróðir hans, Martím, var næstur með átta mörk.
Antonio Martínez var markahæstur hjá Porto með átta mörk. Daymaro Salina var næstur með sjö mörk.
- Auglýsing -
