- Auglýsing -
HK krækti í sinn fyrsta sigur í Olísdeild kvenna í handknattleik í kvöld þegar liðið vann ÍBV á afar sannfærandi hátt, 27:21, í upphafsleik 4. umferðar deildarinnar í Kórnum. HK liðið var fimm mörkum yfir í hálfleik, 14:9, og náði mest níu marka forskoti í síðari hálfleik.
ÍBV minnkað muninn niður í þrjú mörk þegar um tíu mínútur voru til leiksloka, 20:17. Nær komst liðið ekki. ÍBV átti fá svör gegn öflugri vörn HK liðsins sem lék afar vel frá upphafi til enda.
Mörk HK: Jóhanna Margrét Sigurðardóttir 8, Sara Katrín Gunnarsdóttir 7, Elna Ólöf Guðjónsdóttir 5, Tinna Sól Björgvinsdóttir 2, Valgerður Ýr Þorsteinsdóttir 2, Þóra María Sigurðardóttir 1, Berglind Þorsteinsdóttir 1.
Varin skot: Margrét Ýr Björnsdóttir 4, 16,7%.
Mörk ÍBV: Þóra Björg Stefánsdóttir 6, Karolina Olszowa 4, Sunna Jónsdóttir 4, Harpa Valey Gylfadóttir 3, Lina Cardell 2, Elísa Elíasdóttir 1, Marija Jovanovic 1.
Varin skot: Marta Wawrzykowska 11, 35,5%.
Staðan í Olísdeild kvenna.
Handbolti.is var í Kórnum og fylgdist með leiknum í stöðu- og textauppfærslu hér fyrir neðan.
- Auglýsing -
