Nýkrýndir bikarmeistarar á Spáni, Barcelona, skoruðu 51 mark í kvöld þegar þeir lögðu Horneo Eón Alicante, í 83 marka leik, 51:32, á heimavelli í 16. umferð spænsku 1. deildarinnar í handknattleik í kvöld.
Viktor Gísli Hallgrímsson var annan hálfleikinn í marki Barcelona og varð 10 skot, 41,6% markvarsla. Danski markvörðurinn Emil Nielsen fékk frí og þar af leiðandi var hinn ungi Filip Sarick í marki Barcelona.
Eins og tölurnar benda til stóð ekki steinn yfir steini hjá Horneo Eón Alicante í leiknum. Staðan í hálfleik var 35:17, fyrir Barcelona, nokkuð sem væri talið eðlileg úrslit eftir 60 mínútna leik.
Jonathan Carlsbogard og Manuel Ortega skoruðu átta mörk hvor og voru markahæstir hjá Barcelona.
Barcelona hefur unnið alla leiki sína til þessa í deildinni og hefur 10 stiga forskot á Granollers sem er í öðru sæti.
