Átjánda umferð Olísdeildar karla í handknattleik hófst í gærkvöld með tveimur viðureignum. Áfram verður haldið veginn í kvöld þegar ÍR-ingar taka á móti Íslandsmeisturum Fram. HK og Þór eigast við í mikilvægum leik í fallbaráttunni í Kórnum og Stjarnan, sem stendur höllum fæti, tekur á móti Haukum.
Fimm leikir eru á dagskrá Grill 66-deildar kvenna og karla. Hæst ber viðureign Gróttu og HK, tveggja efstu liða Grill 66-deildar kvenna í Hertz-höllinni á Seltjarnarnesi klukkan 19. Liðin hafa mæst tvisvar sinnum til þessa í deildinni. HK vann viðureignina í Hertz-höllinni í haust, 26:21. Grótta svaraði fyrir sig með því að vinna leikinn í Kórnum skömmu fyrir jól, 25:23.
- Að vanda verða allir leikir kvöldsins sendir út á Handboltapassanum.
Leikir kvöldsins
Olísdeild karla
Skógarsel: ÍR – Fram, kl. 18.30
Kórinn: HK – Þór, kl. 19.
Hekluhöllin: Stjarnan – Haukar, kl. 19.30.
Staðan og næstu leikir í Olísdeildum.
Grill 66-deild karla:
Myntkaup-höllin: Hvíti riddarinn – HBH, kl. 16.30.
Fjölnishöllin: Fjölnir – Grótta, kl. 18.
Staðan og næstu leikir í Grill 66-deildum.
Grill 66-deild kvenna:
Hertzhöllin: Grótta – HK, kl. 19.
Myntkaup-höllin: Afturelding – Valur 2, kl. 20.
Fjölnishöllin: Fjölnir – Víkingur, kl. 20.
