Þórsarar á Akureyri hafa samið við Norður Makedóníumanninn Tomi Jagurinovski um að leika með liði félagsins í Grill66-deildinni í handknattleik á keppnistímabilinu sem er nýlega hafið.
Koma Jagurinovski hefur legið í loftinu um skeið en hálfur mánuður er liðin síðan handbolti.is sagði fyrst frá væntanlegri komu hans eftir ekipa.mk greindi frá því að Þórsarar hafi borið víur sínar í landa þjálfarans, Stevce Alushovski.
Þór greinir frá komu Jagurinovski á samfélagsmiðlum í kvöld og segir að hann verði klár í slaginn annað kvöld þegar Þór mætir Berserkjum í Grill66-deildinni í Víkinni í beinni útsendingu á Víkingurtv.
Jagurinovski er samningsbundinn Vardar í Skopje en lánasamningur náðist á milli landsmeistaranna í Norður Makedóníu og Þórs.
Jagurinovski, er 24 ára gamall, og getur leikið sem skytta hægra megin eða í hægra horni. Hann er fyrrverandi unglingalandsliðsmaður Norður Makedóníu og var undir handarjaðri Alushovski þjálfara sem stýrði Vardar á síðustu leiktíð. Þar áður var hann í herbúðum Metalurg.
