Eyjaliðið er komið til Þessalóníku – myndband

Kvennalið ÍBV í handknattleik kom fyrri partinn í dag til Þessalóníku í Grikklandi þar sem tveir leikir bíða liðsmanna á laugardag og á sunnudg gegn gríska liðinu PAOK í Evrópubikarkeppninni í handknattleik.

ÍBV-liðið og fylgdarfólk fór af landi brott í gærkvöld, nánast rakleitt eftir viðureign í Kórnum við HK í Olísdeildinni. Flogið var til Frankfurt í Þýskalandi og með beinu flugi til Þessalóníku þar sem bækistöðvar PAOK eru. PAOK er eitt öflugasta íþróttafélag Grikklands.

Hér fyrir neðan er myndband af Facebook-síðu ÍBV handbolta með ferðasögunni. Þóra Sif Kristinsdóttir fjölmiðlafulltrúi handknattleiksdeildar ÍBV sá um upptöku og gerð myndbandsins. Þóra Sif verður mjög virk á Facebook og Instrgram síðum ÍBV meðan á ferðinni stendur. Ekki er úr vegi að benda þeim sem ekki þegar hafa geðfellt við síðurnar að gera það við fyrsta hentugleika.