Handknattleiksmaðurinn og Framarinn Þorsteinn Gauti Hjálmarsson er í finnska landsliðshópnum sem Svíinn Ola Lindgren valdi fyrir helgina. Finnska landsliðið mætir svartfellska landsliðinu í tveimur leikjum í undankeppni heimsmeistaramótsins 19. og 22. mars. Fyrri viðureignin verður leikin í Energia Areena í Vantaa.
Þorsteinn Gauti hefur tekið þátt í flestum landsleikjum Finna síðan snemma árs 2023. Aðeins meiðsli hafa haldið honum frá örfáum leikjum.
Finnska landsliðið hefur verið í töluverðri sókn síðustu ár undir traustri stjórn Lindgren.
Finnar og Svartfellingar voru saman í riðli í undankeppni EM 2026. Svartfellingar unnu báða leikina, 29:28 í Potgorica og 33:28 í Vantaa í byrjun maí í fyrra.
Sigurliðið úr viðureignum Finnlands og Svartfjallalands mætir Slóvenum í tveimur umspilsleikjum um EM-sæti um og upp úr miðjum maí.
