Ýmir Örn Gíslason og liðsfélagar í Göppingen unnu Eisenach á heimavelli, 28:25, í 24. umferð þýsku 1. deildarinnar í handknattleik í gærkvöld. Með sigrinum færðist Göppingen upp í 10. sæti af 18 liðum deildarinnar með 20 stig, stigi fyrir ofan HSV Hamburg sem er næst á eftir. Hannover-Burgdorf situr í 9. sæti með 22 stig.
Ýmir Örn skoraði eitt mark í sigurleiknum í gær og gekk vasklega fram í vörninni að vanda. Hann fór fyrir sínum mönnum eins og sannur fyrirliði.
Óvænt tap hjá Viktori
Viktor Petersen Norberg skoraði ekki mark en gaf tvær stoðsendingar þegar í óvæntu tapi Elbflorenz fyrir TuS N-Lübbecke, 34:31, í Merkur Arena, heimavelli TuS N-Lübbecke. Elbflorenz situr í þriðja sæti 2. deildar með 34 stig eftir 23 leiki. Bietigheim er efst með 38 stig og Balingen hefur 36 stig í öðru sæti.
- Stöðuna í mörgum deildum evrópsks handknattleiks er að finna hér.
