Ungmennalið HK hrósaði sigri öðru sinni á þessari leiktíð í Grill66-deild kvenna í handknattleik í dag er liðið lagði ungmennalið Stjörnunnar, 26:19, í Kórnum í Kópavogi í upphafsleik 7. umferðar. Staðan var jöfn í hálfleik, 11:11, en svo virðist sem HK-liðið hafi verið talsvert sterkara þegar kom fram í þann síðari.
HK hefur þar með fimm stig eftir sex leiki í sjöunda sæti deildarinnar. Ellefu lið skipa Grill66-deildina á leiktíðinni. Stjarnan er komin niður í níunda sæti með fjögur stig þegar sjö leikjum er lokið.
Efstu lið deildarinnar, FH og Stjarnan, eigast við í Sethöllinni klukkan 17.
Mörk HK U.: Embla Steindórsdóttir 5, Margrét Guðmundsdóttir 4, Amelía Laufey Miljevic 4, Karen Hrund Logadóttir 4, Alfa Brá Oddsdóttir 3, Inga Dís Jóhannsdóttir 3, Brynja Katrín Benediktsdóttir 1, Lenandra Náttsól Salvamoser 1, Katrín Hekla Magnúsdóttir 1.
Mörk Stjörnunnar U.: Katla Magnúsdóttir 6, Sonja Lind Sigsteinsdóttir 6, Hanna Guðrún Hauksdóttir 3, Viktoría Georgsdóttir 2, Adda Sólbjört Högnadóttir 2.
Stöðuna í Grill66-deild kvenna og næstu leiki má sjá hér.
