- Auglýsing -
Teitur Örn Einarsson átti stórleik í síðari hálfleik í kvöld fyrir Flensburg þegar liðið lagði Dinamo Búkarest á heimavelli, 37:30, í B-riðli Meistaradeildar Evrópu í handknattleik en leikið var í Flensburg. Liðin höfðu þar með sætaskipti. Dinamo er fallið í botnsæti riðilsins með fjögur stig eftir sjö leiki. Flensburg er stigi fyrir ofan.
Teitur Örn var markahæstur hjá Flensburg með sjö mörk ásamt Svíanum Hampus Wanne. Teitur Örn skoraði öll sín mörk í síðari hálfleik og notaði til þess átta skot. Eitt marskot geigaði í fyrri hálfleik.
Roland Eradze og félagar hans í úkraínska meistaraliðinu Motoe Zaporozhye unnu glæsilegan sigur á ungverska liðinu Veszprém á heimavelli, 29:27, og er þar með í fjóra sæti B-riðils með sex stig eftir sjö leiki. Veszprém er næst fyrir ofan með átta stig. Vive Kielce og Barcelona eru efst en þau mætast í Barcelona á morgun.
Ólafur Andrés Guðmundsson var ekki í liðinu hjá Montpellier í kvöld þegar það vann Noregsmeistara Elverum, 37:30, í Elverum. Montpellier er í efst A-riðli með 11 stig eftir sjö leiki.
Orri Freyr Þorkelsson var í leikmanna hópi Elverum en kom ekki mikið við sögu í leiknum. Elverum er í fimmta sæti af átta liðum riðilsins með átta stig þegar sjö leikir eru að baki.
- Auglýsing -
