Nóg verður um að vera í handknattleik hér innanlands í kvöld. Í Vestmannaeyjum verður Evrópleikur og í Garðabæ mætast Stjarnan og Fram í Olísdeild kvenna í öðrum leik áttundu umferðar. Síðast en ekki síst eru þrír leikir á dagskrá í Grill66-deild karla.
ÍBV og gríska liðið AEP Panorama eigast við í í 32-liða úrslitum Evrópubikarkeppni kvenna í handknattleik í Vestmannaeyjum í kvöld. Flautað verður til leiks klukkan 18.30 og stefna Eyjamenn á að vera með að allt að 500 áhorfendur á leiknum. Allir verða að framvísa hraðprófi og verður opið í hraðpróf til kl. 14 hjá HSU í Vestmannaeyjum í dag af þessum sökum. Nánari upplýsingar um leikinn, þar á meðal miðasölu, er að finna hér.
Stjarnan, sem hefur átt erfitt uppdráttar í Olísdeildinni fram til þessa fékk til að mynda fjögur stig af 14 mögulegum á fyrsta þriðjungi deildarkeppninnar, tekur á móti Fram í TM-höllinni klukkan 19.30. Með sigri í leiknum fer Fram í efsta sæti deildarinnar. Stjarnan hefur hinsvegar tækifæri til þess að snúa við blaðinu á heimavelli í kvöld og krækja í tvö stig, nálgast þar með HK sem er í fimmta sæti deildarinnar, áður en tveggja vikna hlé verður gert á keppni í Olísdeild kvenna.
Leikir kvöldsins
Olísdeild kvenna:
TM-höllin: Stjarnan – Fram, kl. 19.30 – sýndur á Stjarnantv.
Stöðuna í Olísdeild kvenna og næstu leiki má sjá hér.
Grill66-deild karla:
Sethöllin: Selfoss U – Afturelding U, kl. 18.30.
Ásvellir: Haukar U – ÍR, kl. 20 – sýndur á Haukartv.
Dalhús: Vængir Júpíters – Fjölnir, kl. 20.15.
Stöðuna í Grill66-deild karla og næstu leiki má sjá hér.
Evrópibikarkeppni kvenna, 32-liða úrslit, fyrri leikur:
Vestmannaeyjar: AEP Panorama – ÍBV, kl. 18.30.
-síðari leikur liðanna hefst klukkan 13 á morgun.
