ÍR-ingar lentu í kröppum dans í kvöld þegar þeir sóttu ungmennalið Hauka heim á Ásvelli í Grill66-deild karla í handknattleik. Haukarnir stóðu lengst af upp í hárinu á leikmönnum ÍR sem sluppu með skrekkinn að lokum eftir hörkuleik, 28:26. Jafnt var að loknum fyrri hálfleik, 12:12.
ÍR er þar með komið upp að hlið Harðar í efsta sæti Grill66-deildarinnar en Harðarmenn eiga leik til góða á móti Kórdrengjum á sunnudagskvöld í Digranesi. Haukar eru með fjögur stig að loknum fimm leikjum.
Hrannar Ingi Jóhannsson var atkvæðamestur hjá ÍR-liðinu með sjö mörk en ÍR-ingar léku án Andra Heimis Friðrikssonar. Hornamaðurinn Þorfinnur Máni Björnsson lét mikið að sér kveða hjá Haukum að þessu sinni.
Mörk ÍR: Hrannar Ingi Jóhannsson 7, Ólafur Matthíasson 4, Kristján Orri Jóhannsson 4, Dagur Sverrir Kristinsson 4, Tómas Starrason 3, Bjarki Steinn Þórisson 3, Viktor Sigurðsson 2, Bergþór Róbertsson 1.
Mörk Hauka U.: Þorfinnur Máni Björnsson 8, Róbert Snær Örvarsson 5, Birkir Snær Steinsson 3, Gísli Rúnar Jóhannsson 2, Andri Fannar Elísson 2, Össur Haraldsson 2, Sigurður Jónsson 2, Jakob Aronsson 1, Jón Brynjar Kjartansson 1.
Stöðuna í Grill66-deild karla og næstu leiki má sjá hér.
