- Auglýsing -
Það er ekki bara íslenskir handknattleiksmenn sem eru í önnum þessa daga vegna leikja utanlands heldur hafa dómarar einnig verið á faraldsfæti. Anton Gylfi Pálsson og Jónas Elíasson dæmdu leik Pick Szeged og Vardar í Meistaradeild Evrópu á fimmtudagskvöld eins og kom fram á handbolta.is.
Í gær og í dag stóðu dómararnir Svavar Ólafur Pétursson og Sigurður Hjörtur Þrastarson í ströngu. Þeir dæmdu tvær viðureignir í Evrópubikarkeppni kvenna í Hoyvik í Þórshöfn í Færeyjum.
Um var að ræða leiki Færeyjameistara H71 og SPONO Eagles frá Sviss. H71 hafði betur samanlagt í leikjunum, 65:57, eftir 10 marka sigur í gær, 36:26, í fyrri viðureigninni.
H71 er þar með komið áfram í 16-liða úrslitum keppninnar eins og ÍBV.
- Auglýsing -
