Í kvöld verður hreinsaður upp leikur úr 2. umferð Olísdeildar karla sem frestað var í byrjun október. Leikmenn ÍBV mæta í TM-höllinni í Garðabæ og mæta liði Stjörnunnar. Flautað verður til leiks klukkan 18.
ÍBV og Stjarnan sitja í fjórða og fimmta sæti Olísdeildarinnar með 12 stig hvort eftir átta leiki. Sigurliðið í leiknum fer upp að hlið Valsmanna sem eru með 14 stig í öðru sæti. Skilji liðin jöfn jafna þau metin við FH sem er í þriðja sæti með 13 stig.
Smit hjá ÍR-ingum
Til stóð að ÍR og ungmennalið Selfoss mættust í Grill66-deild karla í Austurbergi í kvöld. Viðureigninni var frestað eftir að kórónveiru varð vart í leikmannahópi ÍR-inga. Leikmenn eru og hafa verið í einangrun og sóttkví. Æfingar hafa fallið niður síðustu daga. Eftir því sem næst verður komist standa vonir til að hægt verði að hefja æfingar á ný á morgun en þó ekki með öllum leikmannahópnum.
Leikur kvöldsins – Olísdeild karla:
TM-höllin: Stjarnan – ÍBV, kl. 18 – sýndur á Stjarnantv.
Stöðuna og næstu leiki í Olísdeild karla er að finna hér.
