- Auglýsing -
- Spænski handknattleiksmaður Alex Dujshebaev gefur ekki kost á sér í spænska landsliðið sem tekur þátt í Evrópumeistaramótinu í Ungverjarlandi og Slóvakíu í janúar. Dujshebaev segir verða að taka sér hvíld frá handknattleik að læknisráði. Vikurnar frá jólum og fram í febrúar ætlar Dujshebaev að nota í endurhæfingu á vinstri öxl.
- Leikmenn RK Metalurg Skopje er komnir í verkfall í annað sinn á keppnistímabilinu vegna vangoldinna launa. Þeir hófu leiktíðina á að fara í verkfall af sömu ástæðu og nú. Fjárhagur RK Metalurg Skopje virðist í molum og félagið virðist standi á brauðfótum en það hefur lengi verið eitt það allra besta í Norður-Makedóníu.
- Grégory Cojean tekur við þjálfun franska liðsins Nantes á næsta sumri um leið og Viktor Gísli Hallgrímsson, landsliðsmarkvörður, kemur til félagsins. Cojean er aðstoðarþjálfari liðsins um þessar mundir. Hann tekur við starfinu af Alberto Entrerrios sem ætlar að róa á ný mið.
- Maik Machulla þjálfari þýska handknattleiksliðsins Flensburg, sem Teitur Örn Einarsson leikur með, og aðstoðarþjálfari liðsins verða ekki með liðinu í leik við Dinamo Búkarest í Meistaradeild Evrópu í kvöld. Að minnsta kosti þrír leikmenn verða einnig fjarverandi í heimsókn liðsins til Búkarest. Allir eru þeir í sóttkví vegna kórónuveirunnar. Þjálfari ungmennaliðs Flensburg verður við stjórnvöldin í Búkarest.
- Auglýsing -
