ÍR komst í kvöld í efsta sæti Grill66-deildar kvenna í handknattleik með tveggja marka sigri á Víkingi í hörkuleik í Víkinni, 28:26. Víkingur var fjórum mörkum yfir í hálfleik, 18:14.
ÍR hefur þar með 13 stig eftir átta leiki í Grill66-deildinni. FH er stigi á eftir og Selfoss í þriðja sæti með 11 stig. Þannig að ekki vantar spennuna í toppbaráttunni. Víkingur situr í sjöunda sæti með átta stig eftir níu leiki en 11 lið eru í deildinni á leiktíðinni.
Skarð var fyrir skildi í liði Víkings í kvöld að Arna Þyrí Ólafsdóttir lék ekki með en hún hefur verið jafn besti leikmaður liðsins.
Mörk Víkings: Auður Brynja Sölvadóttir 7, Helga Lúðvíka Hallgrímsdóttir 6, Ester Inga Ögmundsdóttir 3, Ástrós Birta Birgisdóttir 3, Elín Helga Lárusdóttir 3, Sigurlaug Jónsdóttir 2, Kara Rún Árnadóttir 2.
Mörk ÍR: Karen Tinna Demian 8, Laufey Lára Höskuldsdóttir 5, Dagbjört Ýr Ólafsdóttir 4, Fanney Ösp Finnsdóttir 3, Hildur María Leifsdóttir 3, Stefanía Ósk Hafberg 2, Matthildur Jónsdóttir 2, Ksenija Dzaferovic 1.
Stöðuna og næstu leiki í Grill66-deild kvenna er að finna hér.
