Myndskeið: Teitur Örn á eitt af flottustu mörkunum – Aron lagði upp eitt þeirra

Eitt af mörkum Teits Arnar Einarsson fyrir Flensburg gegn ungverska liðinu Veszprém í 10. umferð Meistaradeildar Evrópu á fimmtudagskvöldið er á meðal fimm þeirra flottustu sem skoruð voru í umferðinni að mati Handknattleikssambands Evrópu, EHF. Markið er á myndskeiðinu hér fyrir neðan.

Annar Íslendingur kemur við sögu í myndskeiðinu því sending Arons Pálmarssonar á samherja sinn, René Antonsen hjá danska meistaraliðinu Aalborg í leik við Elverum, er uppskrift af einu af fimm bestu mörkunum.