Rauða spjaldið sem Ágúst Birgisson leikmaður FH fékk í viðureign við Selfoss í 12. umferð Olísdeildar karla var dregið til baka af dómurum leiksins, eftir því sem fram kemur í úrskurði aganefndar HSÍ sem fundaði á þriðjudaginn. Úrskurðurinn var birtur í gærkvöld á vef HSÍ.
Árni Snær Magnússon og Þorvar Bjarmi Harðarson töldu við nánarI athugun að ákvörðun þeirra hafi verið röng og óskuðu þeir eftir að rauða spjaldið væri dregið til baka. Aganefnd féllst á ósk þeirra.
Rauð spjöld með skýrslu sem Bergþór Róbertsson leikmaður ÍR, Hafsteinn Óli Berg Rasmos Rocha leikmaður HK, Emma Olsson leikmaður Fram fengu í leikjum með liðum í leikjum í Grill66-deildinni og Olísdeildunum leiddu ekki til þess að þau væru úrskurðuð í leikbann á fyrrnefndum fundi aganefndar HSÍ.
Úrskurð aganefnd frá 14. desember má lesa hér.
