- Auglýsing -
- Ágúst Birgisson og Hrafnhildur Anna Þorleifsdóttir voru valin handknattleiksfólk ársins 2021 hjá FH undir lok nýliðins árs.
- Karen Hrund Logadóttir hefur skrifað undir samning við handknattleiksdeild FH og mun spila með liðinu út keppnistímabilið. Karen Hrund, sem kemur að láni frá HK, er efnilegur miðjumaður sem mun styrkja FH liðið í baráttunni um sæti í Olísdeildinni, segir í tilkynningu handknattleiksdeildar FH.
- Allir leikmenn danska landsliðsins í handknattleik karla sem gengust undir PCR próf í gær reyndust neikvæðir. Vonir standa þar með til að smitið sem greindist hjá markverðinum Jannick Green í fyrradag sé einangrað tilfelli.
- Handknattleiksmaðurinn góðkunni frá Norður Makedóníu, Kiril Lazarov, verður eini landsliðsþjálfarinn á Evrópumótinu í handknattleik karla sem jafnframt verður leikmaður landsliðsins sem hann stýrir. Lazarov tók við þjálfun landsliðs Norður Makedóníu á fyrri hluta síðasta árs. Hann leikur enn með franska félagsliðinu Nantes. Norður Makedóníumenn verða í riðli með heimsmeisturum Dana, Slóvenum og Svartfellingum.
- Aðeins sjö leikmenn danska úrvalsdeildarliðsins Viborg eru frjálsir ferða sinna þessa dagana. Aðrir eru annað hvort í sóttkví eða einangrun. Þess vegna var leik Viborg og Herning-Ikast í dönsku úrvalsdeildinni sem fram átti að fara í kvöld verið frestað. Einnig hefur fyrirhuguðum leik Viborg og Ramnicu Valcea í Evrópudeildinni sem átti að fara fram um næstu helgi verið slegið á frest um óákveðinn tíma.
- Jonas Truchanovicius einn sterkasti leikmaður landsliðs Litáen eru úr leik vegna meiðsla á hné. Hann tekur ekki þátt í EM sem hefst um miðjan mánuðinn. Landslið Litáen er væntanlegt til Íslands á morgun til tveggja vináttuleikja sem fram fara á föstudag og sunnudag.
- Síðari vináttulandsleikur Norður Makedóníu og Ísraels í handknattleik karla sem fram átti að fara í Skopje í gærkvöld var sleginn af vegna covid smita hjá landsliði Ísraels. Óvíst er hvort ísraelska liðið getur tekið þátt í forkeppni HM sem hefst í Cluj í Rúmeníu á föstudaginn.
- Auglýsing -
