Endurkoma Sveinbjörns Péturssonar í markið hjá þýska 2. deildarliðinu EHV Aue vakti athygli þýsku sjónvarpsstöðvarinnar MDR um helgina. Stöðin gerði flotta frétt um komu „Bubi“ eins og hann er kallaður og þrumuskot Arnars Birkis Hálfdánssonar sem einnig gekk til liðs við Aue fyrir tímabilið.
„Íslenski krafturinn“ hjá Aue átti stærstan þátt í 24:21 sigri EHV Aue á Rimpar Wölfe í fyrstu umferð deildarinnar á laugardaginn.
Sveinbjörn var með ríflega 36% markvörslu og Arnar Birkir skoraði fimm mörk með sannkölluðum bylmingsskotum sem þöndu úr netmöskvana.
Sveinbjörn þekkir vel til í Aue. Hann lék með liðinu frá 2012 til 2016 við góðan orðstír. Flutti svo heim og lék með Stjörnunni þangað til kom inn á síðasta tímabil að meiðsli settu strik í reikninginn.
Frétt MDR um þá félaga er tveggja mínútna löng er á hlekknum hér að neðan. Smellið svo á bláa ör vinstra megin niðri í horni myndskeiðsins.
