Það er nú svo skrýtið, er á það ég lít

• Það er nú svo skrýtið, er á það ég lít, söng Vilhjálmur heitinn Vilhjálmsson fyrir margt löngu en kom upp í hugann nú þegar ljóst er að eftir tvo sigurleiki á Evrópumeistaramótinu í handknattleik karla þá getur íslenska landsliðið alveg eins fallið úr keppni eftir leiki lokaumferðar B-riðils annað kvöld eins og landslið Portúgal sem hefur tapað tveimur fyrstu leikjum.

• Hvernig stendur á þessu?

• Staðan í riðlinum er að Ísland hefur fjögur stig og fimm mörk í plús. Holland er með tvö stig og tvö mörk í plús. Ungverjar hafa einnig unnið inn tvö stig en eru með tvö mörk í mínus. Portúgal er án stiga en með fimm mörk í mínus.
  

• Verði þrjú lið jöfn að stigum þarf ráði innbyrðis markatala í leikjum liðanna þriggja hvert þeirra fer áfram í milliriðla. Tvö lið fara áfram.

• Sigur eða jafntefli í leiknum við Ungverja á morgun kemur íslenska liðinu alltaf áfram. Tapi liðið vandast málið og þá kemur til innbyrðis markatölu milli þeirra sem verða jöfn að stigum. Reyndar er sá möguleiki fyrir hendi að Portúgal vinni eða geri jafntefli við Holland þá fer íslenska liðið áfram þótt það tapi fyrir Ungverjum.

• Tapi íslenska liðið með einu mark og Holland vinnur Portúgal fara Ísland og Holland áfram en Ungverjar sitja eftir með sárt ennið þar sem þeir verða með lökustu markatöluna þegar innbyrðis leikir liðanna þriggja verða lagðir saman.

• Komi til þess að íslenska landsliðið tapi með meira en tveimur mörkum þá þarf að bíða og vonast eftir að Portúgal geri hið minnsta jafntefli við Holland í leiknum sem hefst klukkan 19.30, seinni leik kvöldsins.
  
  

• Portúgal fer hinsvegar áfram með a.m.k. tveggja marka sigri á Hollendingum að því gefnu að Ísland vinni Ungverjalandi í fyrri viðureign morgundagsins í B-riðli.

• Eins og venjulega þá er víst öruggast að vinna leikina. Vandinn er sá að það tekst ekki alltaf, þá verða til svona vangaveltur.

Ívar Benediktsson, [email protected]