- Auglýsing -
Fjölnir komst í kvöld upp að hlið ÍR og Harðar með 18 stig í Grill66-deild karla í handknattleik með öruggum sigri á Kórdrengjum, 30:20, í Dalhúsum í Grafarvogi. ÍR, Hörður og Fjölnir eru jöfn að stigum í þremur efstu sætum deildarinnar en ÍR á leik til góða á liðin tvö.
Fjölnir var marki yfir í hálfleik, 14:13. Hrun varð hinsvegar á leik Kórdrengja þegar kom fram í síðari hálfleik. Þeir skoruðu aðeins sjö mörk gegn öflugri vörn Fjölnismanna. Leikmenn Fjölnis gengu einnig á lagið í sóknarleiknum svo úr varð 10 marka sigur.
Mörk Fjölnis: Goði Ingvar Sveinsson 5, Brynjar Óli Kristjánsson 5, Aðalsteinn Örn Aðalsteinsson 4, Aron Ingi Heiðmarsson 4, Jón Bald Freysson 3, Elvar Þór Ólafsson 2, Elvar Otri Hjálmarsson 2, Heiðar Már Hildarson 2, Aron Breki Oddnýjarson 1, Óðinn Freyr Heiðmarsson 1, Björgvin Páll Rúnarsson 1.
Mörk Kórdrengja: Tómas Helgi Wehmeier 7, Eiríkur Guðni Þórarinsson 7, Eyþór Hilmarsson 2, Guðfinnur Þorgeirsson 1, Hjalti Freyr Óskarsson 1, Egill Björgvinsson 1, Arne Karl Wehmeier 1.
Stöðuna og næstu leiki í Grill66-deild karla má sjá hér.
- Auglýsing -
