- Auglýsing -
- Aron Kristjánsson og liðsmenn hans í Barein unnu þriðja leik sinn í röð afar auðveldlega á Asíumótinu í handknattleik í gær. Barein vann landslið Hong Kong, 46:20. Framundan er keppni í milliriðlum þar sem Bareinar verða í riðli með Íran, Írak og Kúveit. Næsti leikur Barein verður á við Kúveit á morgun.
- Danski landsliðsmaðurinn Henrik Møllgaard sagði eftir sigur Dana á íslenska landsliðinu á EM í gærkvöld að hann vorkenndi íslenska landsliðinu eftir að sex leikmenn hafi greinst með covid í gær og í fyrrakvöld. Liðið hafi leikið afar vel á mótinu í þremur fyrstu leikjunum hafi veiran haft jafn afgerandi áhrif á liðið raun ber vitni um.
- Svartfellingar unnu öruggan sigur á Króötum í riðli Íslands í milliriðlakeppni EM í handknattleik í gær, 32:26. Króatar voru daufir í dálkinn og áttu undir högg að sækja frá upphafi. Kórónuveiran hefur herjað illilega á herbúðir Króata og ekki færri en 12 leikmenn hafa smitast á undanförum vikum.
- Erlingur Richardsson og hans í menn í hollenska landsliðinu náðu að standa í Ólympíumeisturum Frakka í fyrra hálfleik í viðureign í milliriðlakeppni EM í gær. Aðeins munaði þremur mörkum á liðunum í hálfleik. Í þeim síðari sýndu Frakkar mátt sinn og meginn. Svo fór að þeir unnu með 10 marka mun, 34:24. Tveir leikmenn hollenska landsliðsins greindust með covid í gær og tóku ekki þátt í leiknum. Reyndar losnaði einn leikmaður landsliðsins úr einangrun.
- Joan Cañellas og Ian Tarrafeta leika vart meira með Evrópumeisturum Spánar á EM eftir að hafa greinst smitaðir af covid í gær.
- Auglýsing -
