Aron, Bjarki og Elvar Örn klárir í slaginn

Aron Pálmarsson, Bjarki Már Elísson og Elvar Örn Jónsson eru lausir úr eingangrun og mega taka þátt í leiknum mikilvæga við Svartfellinga á Evrópumeistaramótinu í handknattleik en flautað verður til leiks klukkan 14.30.

Önnur PCR próf liðsins reyndust neikvæð sem og hraðpróf dagsins, eftir því fram kemur í tilkynningu frá HSÍ.

Ellefu leikmenn og einn starfsmaður landsliðsins hafa þá greinst síðustu daga og í einangrun sem stendur eru átta leikmenn og einn starfsmaður.

Þeir sem enn eru í einangrun eru: Björgvin Páll Gústavsson, Arnar Freyr Arnarsson, Ólafur Andrés Guðmundsson, Daníel Þór Ingason, Gísli Þorgeir Kristjánsson, Janus Daði Smárason, Vignir Stefánsson, Elliði Snær Viðarsson. Jón Birgir Guðmundsson sjúkraþjálfari er einnig í einangrun.