Íþróttahús á höfuðborgarsvæðinu verða væntanlega opnuð á nýjan leik á morgun samkvæmt frétt á heimasíðu UMFÍ sem mun hafa þjófstartað með tilkynningu sinni í kvöld. Heimildamaður handbolti.is sagði að íþróttasamböndin hafi ætlað að bíða með að greina frá þessu þar til formlega tilkynning frá Almannavörnum höfuðborgarsvæðisins væri send út.
Þar með fá handknattleikfélög í meistaraflokkum karla og kvenna á höfuðborgarsvæðinu heimild frá Almannavörnum og sveitarfélögum á svæðinu til þess að hefja æfingar á nýja leik. Handknattleiksfélögin verða að fylgja í einu og öllu leiðbeiningum Handknattleikssambands Íslands, HSÍ, meðal annars um þríf, sóttvarnir, fjarlægðamörk, notkun áhalda og tækja og fleira.
HSÍ ásamt Körfuknattleikssambandi Íslands hefur gefið út leiðbeingar sem er m.a. að finna hér.
Æfingar hafa legið niðri hjá meistaraflokkum á höfuðborgarsvæðinu frá 6. október. Að sinni verða ekki heimilaðar æfingar barna og unglinga.
Nánari umfjöllun er á heimasíðu HSÍ.
