- Auglýsing -
Neðsta lið Grill66-deildar kvenna, Fjölnir/Fylkir, krækti í annað stigið úr viðureign sinni við ungmennalið Fram í kvöld í Dahúsum í Grafarvogi, 21:21, í hörkuleik. Fjölnir/Fylkir var tveimur mörkum yfir að loknum fyrri hálfleik, 10:8.
Fjölnir/Fylkir hefur þar með náð í þrjú stig í deildinni en tímabilið hefur verið liðinu afar mótdrægt og lítið fallið með leikmönnum sem eru vonandi að ná vopnum sínum aftur, jafnt og þétt.
Framliðið siglir lygnan sjó um miðja deild.
Mörk Fjölnis/Fylkis: Tina Stojanovic 6, Elsa Karen Þorvaldsdóttir Sæmundsen 4, Berglind Björnsdóttir 3, Kolbrún Arna Garðarsdóttir 2, Sigríður Björg Björnsdóttir 2, Hrafnhildur Irma Jónsdóttir 2, Telma Sól Bogadóttir 1, Þyrí Erla L. Sigurðardóttir 1.
Mörk Fram U.: Valgerður Arnalds 6, Margrét Castillo 5, Íria Anna Gísladóttir 4, Sóldís Rós Ragnarsdóttir 3, Dagmar Pálsdóttir 2, Elísabet Ósk Ingvarsdóttir 1.
Stöðu og næstu leiki í Grill66-deild kvenna er að finna hér.
Margar myndir frá leiknum er að finna á Facebooksíðu Fjölnis handbolta. Þorgils ljósmyndari Fjölis var á leiknum eins og oftast nær.
- Auglýsing -
