- Auglýsing -
Í kvöld lýkur 17.umferð Olísdeildar karla með viðureign FH og KA í KA-heimilinu. Flautað verður til leiks klukkan 18. FH-ingar hafa dvalið í höfuðstað norðurlands síðan á miðvikudag að þeir mættu Þór í 8-liða úrslitum Coca Cola-bikarsins.
FH hafði betur í fyrri viðureign liðanna sem fram fór í Kaplakrika 29. október, 29:21.
Um þessar mundir situr FH í þriðja sæti Olísdeildar með 24 stig eftir 15 leiki og er þremur stigum á eftir Haukum sem eru efstir. Valur er í öðru sæti með 26 stig. Valur og Haukar hafa leikið tveimur leikjum fleiri en FH.
KA-menn sitja í áttunda sæti með 15 stig, eru tveimur stigum og einum leik á eftir Aftureldingu.
Einnig verða tveir leikir í Grill66-deild karla í kvöld. M.a. leikur Þór Akureyri sinn fyrsta deildarleik síðan 4. febrúar.
Olísdeild karla:
KA-heimilið: KA – FH, kl. 18 – sýndur á KAtv.
Stöðu og næstu leiki í Olísdeild karla er að finna hér.
Grill66-deild karla:
Ísafjörður: Hörður – Berserkir, kl. 19.30 – sýndur á Youtube rás Harðar.
Dalhús: Vængir Júpíters – Þór Ak., kl. 20.15.
Stöðu og næstu leiki í Grill66-deild karla er að finna hér.
- Auglýsing -
