- Auglýsing -
Breki Hrafn Valdimarsson og Tryggvi Garðar Jónsson fóru á kostum í dag þegar ungmennalið Vals vann ungmennalið Aftureldingar með 10 marka mun, 31:21, í Grill66-deild karla í handknattleik í dag. Leikið var í Origohöllinni. Valur var níu mörkum yfir að loknum fyrri hálfleik, 18:9.
Breki Hrafn og Tryggvi Garðar skoruðu 10 mörk hvor og voru svo sannarlega allt í öllu eins og sagt er. Ekki síst fyrir þeirra leik þá voru Valsarar með yfirhöndina frá upphafi til enda gegn Mosfellingum.
Eftir leikinn eru liðin tvö sem mættust í Origohöllinni í dag jöfn að stigum, með 11 hvort, í sjöunda og áttunda sæti Grill66-deildarinnar. Valur á leik til góða.
Mörk Vals U.: Breki Hrafn Valdimarsson 10, Tryggvi Garðar Jónsson 10, Ísak Logi Einarsson 3, Róbert Nökkvi Petersen 2, Þorgeir Arnarsson 2, Jóel Bernburg 1, Alexander Jón Másson 1, Erlendur Guðmundsson 1, Stefán Pétursson 1.
Mörk Aftureldingar U.: Ágúst Atli Björgvinsson 4, Gunnar Pétur Haraldsson 4, Karl Kristján Bender 3, Grétar Jónsson 3, Agnar Ingi Rúnarsson 3, Stefán Scheving Guðmundsson 2, Haraldur Björn Hjörleifsson 1, Birgir Örn Birgisson 1.
Stöðu og næstu leiki í Grill66-deild karla má nálgast hér.
- Auglýsing -
