Sara Dögg á sigurbraut

Sara Dögg Hjaltadóttir og félagar hennar í Volda unnu stóran og góðan sigur á Randesund í norsku B-deildinni í handknattleik í dag. Volda var með yfirhöndina í leiknum frá upphafi til enda og vann loks með átta marka mun, 24:16. Volda var þremur mörkum yfir á hálfleik, 10:7.

Silja Dögg stóð sig vel í leiknum. Hún skoraði fjögur mörk í átta skotum. Volda er í fjórða sæti með sjö stig eftir fimm leiki en tvö önnur lið hafa einnig sjö stig í öðru og þriðja sæti. Kórónuveiran hefur sett strik í reikninginn í leikjadagskrá deildarinnar og því hafa liðin 12 í deildinni leikið mismarga leiki. Staðan er fyrir vikið ekki alveg skýr.

Halldór Stefán Haraldsson er þjálfari Volda. Hilmar Guðlaugsson er hans hægri hönd.