Belgíski markvörðurinn Jeff Lettens var hetja franska liðsins Toulouse í kvöld þegar hann varði vítakast þegar leiktíminn var úti gegn Ademar León í viðureign liðanna í 2. umferð Evrópudeildarinnar í handknattleik í kvöld en liðin eru í A-riðli.
Frábær markvarsla hjá belgíska landsliðsmarkverðinum sem nokkrum sekúndum áður hafði varið á frábæran hátt skot af stuttu færi sem hrökk síðan til baka í hendur leikmanna spænska liðsins. Þar með gátu þeir haldið sókninni áfram og unnið vítakast á síðustu sekúndum. Vítakast sem Lettens varði með tilþrifum eins og sjá má á meðfylgjandi myndskeiði frá Hanknattleikssambandi Evrópu. Félagar Lettens gleyma síðan öllum sóttvarnartilmælum í fögnuðinum eftir markvörsluna.
Toulosue hefur þrjú stig eftir tvo leiki í A-riðli Evrópudeildarinnar en Adeamar er með eitt stig eftir einn leik. Viðureign Ademar og Medvedi sem fram átti að fara í síðustu viku var frestað.
