Fimmta breytingin gerð

Sigvaldi Björn Guðjónsson hefur dregið sig út úr landsliðshópnum í handknattleik fyrir leikinn gegn Litháum. Hann er kominn í sóttkví eftir að kórónuveirusmit greindist hjá liði hans, Vive Kielce í Póllandi.

Í stað Sigvalda Björns kemur Arnór Þór Gunnarsson, Bergischer HC, aftur til liðs við hópinn. Arnór kemur til landsins á þriðjudag og verður klár í slaginn gegn Litháum daginn eftir.

Þetta er fimmta breytingin sem gerð er á íslenska hópnum að þessu sinni.

Viðureign Íslands og Litháen í undanekppni EM2022 fer fram í Laugardalshöll á miðvikudagskvöld og hefst klukkan 19.45. Engir áhorfendur verða á leiknum en hann verður í beinni útsendingu RÚV.