Sannkallaður stórleikur fer fram í Grill66-deild kvenna í handknattleik í kvöld þegar ÍR og Selfoss mætast í Austurbergi. Flautað verður til leiks klukkan 19.30. ÍR er efst í deildinni með 29 stig ásamt FH. Selfoss er stigi á eftir. ÍR á þrjá leiki eftir en Selfoss fjóra. FH á einn leik eftir og verður að treysta á aðra á lokasprettinum.
Úrslit leiksins í Austurbergi í kvöld ráða mjög miklu um það hvort liðið hreppir efsta sætið þegar upp verður staðið og fer þar með beint upp í Olísdeild og kemst þar með um leið hjá þátttöku í umspilinu.
Upphaflega stóð til að leikurinn færi fram í lok janúar en ekkert varð af. Síðan hefur orðið að fresta leiknum oftar en einu sinni sem orðið hefur til þess að liðin fá sannkallaðan úrslitaleik á lokaspretti deildarkeppninnar.
Vitað er að stuðningsmenn beggja liða ætla að hópast á leikinn í Austurbergi og skapa góða umgjörð fyrir þennan mikilvæga leik.
Grill66-deild kvenna:
Austurberg: ÍR – Selfoss, kl. 19.30.
Stöðu og næstu leikir í Grill66-deild kvenna er að finna hér.
Grill66-deild karla:
Origohöllin: Valur U – Haukar U, kl. 20.15.
Stöðu og næstu leikir í Grill66-deild karla er að finna hér.
