- Auglýsing -
Deildarmeistarar Olísdeildar karla, Valur, voru ekki í neinum vandræðum með Fram í fyrstu viðureign liðanna í átta liða úrslitum í Origohöllinni í kvöld, 34:24. Valur var sjö mörkum yfir að loknum fyrri hálfleik, 18:11.
Fram var fyrir áfalli eftir um 20 mínútna leik þegar Þorsteinn Gauti Hjálmarsson fékk rautt spjald.
Valsmenn báru höfuð og herðar yfir andstæðing sinn frá upphafi til enda leiksins og ljóst að leikmenn Fram verða að bíta í skjaldarrendur ef þeir ætla að knýja fram oddaleik í þessari rimmu. Liðin eigast við á nýjan leik á sunnudaginn í Framhúsinu. Flautað verður til leiks klukkan 18.
Mörk Vals: Magnús Óli Magnússon 6, Finnur Ingi Stefánsson 5/1, Róbert Aron Hostert 5, Arnór Snær Óskarsson 4/3, Stiven Tobar Valencia 4, Benedikt Gunnar Óskarsson 3, Agnar Smári Jónsson 3, Tryggvi Garðar Jónsson 2, Vignir Stefánsson 1, Tjörvi Týr Gíslason 1.
Varin skot: Björgvin Páll Gústavsson 13/2, 37,1% – Stefán Pétursson 1/1, 33,3%.
Mörk Fram: Reynir Þór Stefánsson 7/2, Kjartan Þór Júlíusson 6, Stefán Orri Arnalds 4, Rógvi Dal Christiansen 2, Kristinn Hrannar Bjarkason 1, Þorsteinn Gauti Hjálmarsson 1, Stefán Darri Þórsson 1, Arnar Snær Magnússon 1, Kristófer Dagur Sigurðsson 1.
Varin skot: Magnús Gunnar Erlendsson 9/2, 30%, Arnór Máni Daðason 1/1, 14,3%, Lárus Helgi Ólafsson 0
Öll tölfræði leiksins er hjá HBStatz.
Leikjadagskrá úrslitakeppni Olísdeildar er hér.
- Auglýsing -
