- Auglýsing -
Fjölnir mætir ÍR í úrslitum umspils um sæti í Olísdeild karla eftir að Fjölnisliðið vann Þór Akureyri öðru sinni í undanúrslitum í dag, 36:30. Leikið var í Höllinni á Akureyri. Fjölnismenn unnu fyrri leikinn, 28:24, á heimavelli á fimmtudaginn. Þórsarar eru það með komnir í sumarleyfi.
Einvígi ÍR og Fjölnis hefst á laugardaginn í Austurbergi. ÍR-ingar hafa hinn svokallaða heimaleikjarétt. Liðið sem fyrr vinnur þrjá leiki tekur sæti í Olísdeild karla á næstu leiktíð og fylgir þar með eftir Herði frá Ísafirði sem vann Grill66-deild á dögunum.
Þórsarar voru marki yfir að loknum fyrri hálfleik í viðureigninni í kvöld, 17:16. Leikmenn Fjölnis voru sterkari í síðari hálfleik eins og tölurnar gefa til kynna.
Mörk Þórs Ak.: Tomislav Jagurinovski 8, Jón Ólafur Þorsteinsson 7, Viktor Jörvar Kristjánsson 3, Viðar Ernir Reimarssson 3, Josip Kezic 2, Halldór Yngvi Jónsson 2, Arnór Þorri Þorsteinsson 2, Heimir Pálsson 2, Aðalsteinn Ernir Bergþórsson 1.
Mörk Fjölnis: Þorleifur Rafn Aðalsteinsson 6, Björgvin Páll Rúnarsson 5, Óðinn Freyr Heiðmarsson 5, Alex Máni Oddnýjarson 5, Viktor Berg Grétarsson 3, Goði Ingvar Sveinsson 3, Aðalsteinn Örn Aðalsteinsson 3, Brynjar Óli Kristjánsson 3, Victor Máni Matthíasson 2, Elvar Otri Hjálmarsson 1.
- Auglýsing -
