- Auglýsing -
Undanúrslit Olísdeildar kvenna í handknattleik hefjast í kvöld. Leikmenn Vals og Íslandsmeistara KA/Þórs ríða á vaðið í Origohöllinni klukkan 18, liðin sem léku til úrslita um Íslandsmeistaratitilinn fyrir ári síðar. KA/Þórs-liðið fékk Íslandsbikarinn afhentan í Origohöllinni eftir fjórðu viðureign liðanna í júní byrjun í fyrra.
Nánast strax eftir að viðureign Vals og KA/Þórs verður lokið tekur við hin viðureign undanúrslitanna. Nýbakaðir deildarmeistarar Olísdeildar, Fram, taka á móti ÍBV í Safamýri í einum af síðustu heimaleikjum Fram í því ágæta íþróttahúsi sem þar stendur.
Úrslit innbyrðisleikja liðanna í Olísdeildinni í vetur:
13. nóvember: Valur – KA/Þór 26:28.
29. janúar: KA/Þór – Valur 28:23.
14. apríl: Valur – KA/Þór 29:23.
13. nóvember: ÍBV – Fram 23:25.
29. janúar: Fram – ÍBV 24:26.
14. apríl: ÍBV – Fram 24:22.
Undanúrslit Olísdeild kvenna, 1. leikur:
Origohöllin: Valur- KA/Þór, kl. 18 – sýndur á Stöð2sport.
Framhús: Fram – ÍBV, kl. 19.40 – sýndur á Stöð2sport.
Næstu leikir liðanna verða á mánudaginn á Akureyri og í Vestmannaeyjum. Annars er leikjdagskrá undanúrslit að finna hér.
- Auglýsing -
