Fáum spurningum er ósvarað þegar kemur að því hverjir þjálfa liðin í Olísdeildum karla og kvenna á næsta keppnistímabili. Óvíst er hver þjálfar nýliða ÍR en samningur við Kristinn Björgúlfsson er runninn eða er við að renna sitt skeið.
Uppfært: Eftir að fréttin birtist fyrr í dag staðfesti Svavar Vignisson að hann væri hættur þjálfun kvennaliðs Selfoss.
Samningur ÍBV við Erling Richardsson rennur út á næstu vikum. Eftir því sem næst verður komist standa viðræður yfir um nýjan samning milli Erlings og ÍBV.
Eins og kom fram á handbolta.is á síðasta föstudag þá er þriggja ára samningur ÍBV við Sigurð Bragason um þjálfun kvennaliðsins að taka enda um þessar mundir.
Annars er staðan þessi eftir því sem næst verður komist.
Olísdeild karla:
Valur – Snorri Steinn Guðjónsson.
Haukar – Rúnar Sigtryggsson tekur við af Aroni Kristjánssyni.
ÍBV – Samningur við Erling Richardsson er að renna út – viðræður standa yfir um nýjan samning.
FH – Sigursteinn Arndal, framlengdi samning sinn nýverið til þriggja ára.
Selfoss – Halldór Jóhann Sigfússon.
Stjarnan – Patrekur Jóhannesson.
KA – Jónatan Þór Magnússon.
Fram – Einar Jónsson.
Afturelding – Gunnar Magnússon, framlengdi samning sinn nýverið til þriggja ára.
Grótta – Arnar Daði Arnarsson, framlengdi samning sinn nýverið til þriggja ára.
Hörður: Carlos Martin Santos.
ÍR – Samningur við Kristinn Björgúlfsson er runninn út.
Olísdeild kvenna:
Fram – Stefán Arnarson, skrifaði undir nýjan eins árs samning í vetur.
Valur: Ágúst Þór Jóhannsson, skrifaði undir þriggja ára samning í vetur.
KA/Þór: Andri Snær Stefánsson.
ÍBV – samningur við Sigurð Bragason er að renna út.
Stjarnan – Hrannar Guðmundsson, ráðinn til tveggja ára í janúar sl.
Haukar: Ragnar Hermannsson tekur við af Gunnari Gunnarssyni.
HK: Samúel Ívar Árnason tekur við af Arnari Gunnarssyni sem ráðinn var tímabundið í vor.
Selfoss: Án þjálfara – leit stendur yfir.
