- Auglýsing -
Kristján Örn Kristjánsson, Donni, er í úrvalsliði frönsku 1. deildarinnar í handknattleik en greint var frá niðurstöðum í valinu í morgun.
Donni er einn þriggja leikmanna frá PAUC sem er í úrvalsliðinu. Valið er mikil viðurkenning fyrir Donna sem er að ljúka sínu öðru ári í frönsku 1. deildinni. Í frönsku 1. deildinni leikar margir af fremstu handknattleiksmönnum heims auk þess sem franskur handknattleikur hefur um langt árabil verið einn sá besti í Evrópu með landsliðið í fararbroddi.
Fáeinar vikur eru liðnar síðan Donni skrifaði undir nýjan þriggja ára samning við PAUC. Hann er næst markahæsti leikmaður liðsins sem er í þriðja sæti deildarinnar þegar tvær umferðir eru eftir óleiknar.
Hér fyrir neðan má sjá hverjir skipa úrvalslið frönsku 1. deildarinnar keppnistímabilið 2021/2022.
- Auglýsing -
