- Auglýsing -
Handknattleikskonan Guðrún Erla Bjarnadóttir hefur ákveðið að ganga til liðs við Fjölni/Fylki sem leikur í Grill66-deildinni. Guðrún Erla er þrautreynd og mun örugglega styrkja verulega við hið unga sameinaða lið félaganna tveggja.
Guðrún Erla lék með HK lengst af á síðasta keppnistímabili eftir að hafa byrjað leiktíðina með Fram. Alls skoraði Guðrún Erla 27 mörk í 18 leikjum með HK í Olíssdeildinni á nýliðinni leiktíð.
Um árabil var Guðrún Erla ein af kjölfestum liðs Hauka auk þess að vera valin í æfingahóp landsliðsins.
Guðrún Erla er fjórði leikmaður HK á síðasta tímabili sem ákveðið hefur að róa á ný mið. Hinar eru Alexandra Líf Arnarsdóttir, Jóhanna Margrét Sigurðardóttir og Sigríður Hauksdóttir.
- Auglýsing -
