- Auglýsing -
Grótta hefur fengið liðsauka í kvennalið sitt fyrir næsta keppnistímabil. Í kvöld tilkynnti Grótta að skrifað hafi verið undir tveggja ára samning við Þóru Maríu Sigurjónsdóttur sem hefur síðustu tvö ár leikið með HK. Grótta leikur í Grill66-deildinni á næstu keppnistímabili.
Þóra María er 21 ára gamall leikstjórnandi og er öflugur varnarmaður. Á nýafstöðnu tímabili skoraði hún 27 mörk með HK í Olísdeildinni. Áður en hún kom til HK lék Þóra María með Aftureldingu þar sem hún er uppalin en fór yfir til HK eftir að Afturelding féll úr Olísdeildinni vorið 2020.
Þóra María er fimmti leikmaður HK ssem hefur ákveðið að söðla um. Hinar eru Alexandra Líf Arnarsdóttir, Guðrún Erla Bjarnadóttir, Jóhanna Margrét Sigurðardóttir og Sigríður Hauksdóttir.
- Auglýsing -
