- Auglýsing -
Landslið pilta í handknattleik, skipað leikmönnum 16 ára og yngri, fór til Færeyjar í morgun þar sem leiknir verða tveir vináttuleikur við færeyska landsliðið í sama aldursflokki á morgun og á sunnudaginn.
Leikirnir fara fram í Höllinni á Hálsi í Þórshöfn. Fyrri viðureignin hefst klukkan 14 á morgun og segir í tilkynningu frá HSÍ að stefnt sé að því að leiknum verði streymt á youtuberás. Upplýsingar um streymið liggur fyrir í kvöld að á morgun og verður sagt frá því á handbolta.is og einnig á samfélagsmiðlasíðum HSÍ.
HSÍ og færeyska handknattleikssambandið hafa síðustu ár verið í góðri samvinnu með leiki yngri landsliða. U-16 og U-18 ára landslið kvenna léku landsleiki í Færeyjum fyrir tveimur árum og komu færeysku stúlkurnar í heimsókn hingað síðastliðna helgi. Von er á frekari samstarfi við nágranna okkar á næstu árum, segir í tilkynningu HSÍ.
Hrannar Guðmundsson og Heimir Örn Árnason þjálfa U16 ára landsliðið. Þeir völdu eftirtalda leikmenn til æfinga fyrir leikina.
Leikmannahópur:
Alex Kári Þórhallsson, Gróttu.
Antoine Óskar Pantano, Gróttu.
Ágúst Guðmundsson, HK.
Dagur Árni Heimisson, KA.
Daníel Bæring Grétarsson, Aftureldingu.
Haukur Guðmundsson, Aftureldingu.
Hugi Elmarsson, KA.
Jens Bergþórsson, KA.
Jóhann Nökkvi Jóhannsson, THK Tromsø.
Jónas Karl Gunnlaugsson, Selfossi.
Jökull Einarsson, Afturelding.
Magnús Dagur Jónatansson, KA.
Markús Páll Ellertsson, Fram.
Óskar Þórarinsson, KA.
Sigurjón Bragi Atlason, Aftureldingu.
Stefán Magni Hjartarson, Aftureldingu.
Til vara (æfa með liðinu):
Aron Valur Gunnlaugsson, Aftureldingu.
Brynjar Búi Davíðsson, Aftureldingu.
Hannes Pétur Hauksson Gróttu.
Ingvar Dagur Gunnarsson FH.
- Auglýsing -
