- Auglýsing -
Hornamaðurinn Richard Sæþór Sigurðsson hefur skrifað undir nýjan tveggja ára samning við handknattleiksdeild Selfoss og verður þar af leiðandi á fullri ferð með liðinu undir stjórn Þóris Ólafssonar í Olísdeildinni á næsta keppnistímabili. Richard Sæþór hefur verið útnefndur fyrirliði Selfossliðsins.
Eftir stutt námshlé síðustu vetur sneri Richard aftur inn á parketið fyrir síðustu leiktíð og reyndist hann vera einn af lykilmönnum liðsins bæði í horninu sem og í vörn. Richard Sæþór skoraði m.a. 57 mörk í 22 leikjum í Olísdeildinni.
„Það er gleðilegt að þessi litríki Selfyssingur ætli að taka slaginn áfram, en hann er tekinn við fyrirliðabandinu og mun leiða liðið jafnt innan vallar sem utan,“ segir í tilkynningu handknattleiksdeildar Selfoss.
- Auglýsing -
