Óskar var markahæstur

Óskar Ólafsson var markahæstur hjá Drammen í dag þegar liðið lagði Bækklaget, 33:29, í norsku úrvalsdeildinni í handknattleik en leikið var í Nordstrand Arena í Ósló. Drammen var fjórum mörkum yfir í hálfleik, 16:12.

Óskar átti mjög góðan leik með sjö mörk í 12 skotum auk þess að eiga sjö stoðsendingar. Einnig lét hann til sín taka í varnarleik Drammen-liðsins eins og oftast áður. Hinn hálf íslenski Viktor Pedersen Norberg skoraði eitt mark í tveimur skotum.

Staðan í norsku úrvalsdeildinni í karlaflokki:
Elverum 22(12), Arendal 22(14), Drammen 18(14), Bækkelaget 18(14), Nærbö 16(15), Kolstad 15(14), FyllingenBergen 15(15), Haslum 14(14), Runar 12(14), Halden 10(14), Fjellhammer 8(15), Viking 7(14), Sandefjord 7(15).