Landsliðsmarkvörður áfram á Hlíðarenda – myndskeið

Saga Sif Gísladóttir, handknattleiksmarkvörður, hefur skrifað undir áframhaldandi samning við Val út leiktíðina 2024. Saga Sif kom til Vals fyrir þetta tímabil og fór vel af stað með liðinu í Olísdeildinni í fyrstu umferðunum í september. Saga Sif hefur varið rúmlega 13 skot að meðaltali það sem af er leiktíðinni og er mikill karakter sem hefur reynst hópnum vel, segir í tilkynningu frá Val.

Saga Sif var valin í A-landsliðshóp Arnars Péturssonar síðast þegar hópurinn var valinn.
Valur sendi frá sér meðfylgjandi myndskeið þegar tilkynnt var að Saga Sif hafði skrifað undir nýja samninginn.