Fékk bolta í höfuðið og rautt spjald í kjölfarið – myndskeið

Anton Hellberg, markvörður sænska úrvalsdeildarliðsins HK Malmö, greip til sinna ráða þegar andstæðingur kastaði boltanum í höfuðið á honum í hraðaupphlaupi í kappleik um helgina. Hellberg þótti ganga full vasklega til verks að mati dómaranna og fékk fyrir vikið rautt spjald. Sá sem kastaði boltanum slapp hinsvegar bæði við meiðsli og spjaldagjöf frá dómurum leiksins. Myndskeið af atvikinu er hér fyrir neðan.