Stjarnan vann síðasta leik sinn af af þremur á Hafnarfjarðarmótinu í handknattleik karla í kvöld er hún lagði ÍBV, 33:29, á Ásvöllum í næst síðasta leik mótsins að þessu sinni. Stjarnan fór þar með taplaus í gegnum mótinu. Fyrr á mótinu, sem hófst á Ásvöllum á mánudaginn, hafði Garðabæjarliðið, undir stjórn Patreks Jóhannessonar, gert jafntefli við Hafnarfjarðarliðin FH og Hauka.
Uppfært kl. 20.34: Stjarnan vann Hafnarfjarðarmótið með 4 stig. FH og Haukar fengu þrjú stig hvort en FH vann Hauka í síðasta leiknum. ÍBV hlaut tvö stig.
Staðan var jöfn í hálfleik á Ásvöllum í kvöld, 15:15. Stjarnan komst yfir fljótlega í síðari hálfleik og gaf ekkert eftir það sem eftir lifði leiktímans.
Mörk ÍBV: Elmar Erlingsson 8, Dánjal Ragnarsson 6, Rúnar Kárason 4, Andrés Marel Sigurðsson 3, Janus Dam Djurhuus 3, Nökkvi Snær Óðinsson 2, Breki Þór Óðinsson 1, Kári Kristján Kristjánsson 1, Sigtryggur Daði Rúnarsson 1.
Varin skot: Petar Jokanovic 8.
Mörk Stjörnunnar: Leó Snær Pétursson 11, Tandri Már Konráðsson 6, Hergeir Grímsson 5, Hjálmtýr Alfreðsson 4, Starri Friðriksson 2, Pétur Árni Hauksson 2, Björgvin Þór Hólmgeirsson 1, Brynjar Hólm Grétarsson 1, Þórður Tandri Ágústsson 1.
Varin skot: Adam Thorstensen 13.
Öll tölfræði leiksins er hjá HBStatz.
Klukkan 19 hefst síðasti leikur mótsins þegar Haukar og FH mætast. Haukar þurfa á sigri að halda til þess að vinna mótið. FH hefur eitt stig og getur ekki náð efsta sætinu.
Myndasyrpa: Haukar – FH, 23:30
