Friðrik Hólm kominn til liðs við ÍR

Eyjamaðurinn Friðrik Hólm Jónsson hefur fengið félagaskipti frá ÍBV til nýliða ÍR í Olísdeild karla. Þetta kemur fram í félagaskiptaskrá á vef HSÍ. Friðrik Hólm er vinstri hornamaður og hefur leikið með ÍBV síðustu árin og var m.a. í þreföldu meistaraliði ÍBV vorið 2018 undir stjórn Arnars Péturssonar, núverandi landsliðsþjálfara kvenna.

Fleiri félagaskipti hafa fengið uppáskrift á skrifstofu HSÍ síðustu daga. Þau helstu sem ekki hefur þegar verið sagt frá er að finna hér fyrir neðan.

Friðrik Hólm Jónsson frá ÍBV til ÍR.
Róbert Snær Örvarsson frá Haukum til ÍR.
Sigrún Ása Ásgrímsdóttir frá Stjörnunni til ÍR.
Josip Kezic frá Þór Ak til félagsliðs í Bosníu.
Gytis Smantauskas frá FH til félagsliðs í Litáen.