- Auglýsing -
Svo virðist sem áhyggjur af meintum meiðslum Gísla Þorgeirs Kristjánssonar hafi sem betur fer verið óþarfar. SC Magdeburg segir í tilkynningu sem gefin var út eftir hádegið í dag að Gísli Þorgeir hafi verið gefið grænt ljós til æfinga og keppni eftir skoðun á Uniklinikum Magdeburg.
Gísli Þorgeir fór af leikvelli á 56. mínútu leiks Göppingen og SC Magdeburg á sunnudaginn vegna eymsla í hægra hné. Óvissa ríkti um hvort um væri að ræða alvarleg meiðsli eða ekki samkvæmt tilkynningu sem félagið sendi frá sér snemma í morgun en hefur nú verið fjarlægð af heimasíðunni.
Sem betur fer virðist hafa verið um storm í vatnsglasi að ræða og Gísli Þorgeir verður sem betur fer klár í slaginn í næsta leik SC Magdeburg sem verður við PPD Zagreb í Meistaradeildinni á heimavelli á fimmtudagskvöld.
handbolti.is nýtur ekki opinbers rekstrarstuðnings.
- Auglýsing -
