Annarri umferð Olísdeildar lýkur í dag með uppgjöri KA/Þórs og Hauka í KA-heimilinu. Flautað verður til leiks klukkan 16 og mun veður ekki hafa nein áhrif á eftir því sem næst verður komist. Leikmenn Hauka eru á leiðinni norður þegar þetta er skrifað, á tólfta tímanum.
KA/Þór tapaði fyrir ÍBV með einu marki, 28:27, í fyrstu umferð Olísdeildar í leik í Vestmannaeyjum fyrir rúmri viku. Haukar biðu einnig lægri hlut í fyrstu umferð, 37:22, fyrir Val í Origohöllinni föstudaginn 16. september.
Í tilefni af fyrsta heimaleiknum ætlar KA/Þór að nota tækifærið og hylla handknattleikskonuna Mörtu Hermannsdóttur sem ákvað fyrir skemmstu að láta gott heita eftir langan og afar farsælan feril á handknattleiksvellinum.
Í dag fer einnig fram síðasti leikurinn í 1. umferð Grill66-deildar kvenna þegar FH-ingar sækja ungmennalið Fram heim í íþróttahúsið í Úlfarsárdal.
Leikir dagsins
Olísdeild kvenna:
KA-heimilið: KA/Þór – Haukar, kl. 16 – sýndur á KAtv.
Staðan og næstu leikir í Olísdeild kvenna.
Grill66-deild kvenna:
Úlfarsárdalur: Fram U – FH, kl. 16 – sýndur á Framtv.
Staðan og næstu leikir í Grill66-deildunum.
handbolti.is nýtur ekki opinbers rekstrarstuðnings.
