- Auglýsing -
Þór vann ungmennalið Fram með fimm marka mun, 36:31, í þriðju umferð Grill66-deild karla í handknattleik í kvöld. Leikurinn fór fram á Dalvík vegna þess að Höllin á Akureyri er upptekin vegna árshátíðar. Ekki var annað að sjá en að leikmenn beggja liða kynnu vel við sig í íþróttahúsinu góða á Dalvík.
Eftir jafnan og spennandi fyrri hálfleik var Þór tveimur mörkum yfir, 22:20. Virtust menn ekki koma neinum vörnum við. Þegar kom fram í síðari hálfleik var Þórsliðið sterkara. Arnóri Þorra Þorsteinssyni héldu engin bönd í síðari hálfleik. Félagi hans Kostadin Petrov fór hamförum í fyrri hálfleik og skoraði þá 11 af 14 mörkum sínum í leiknum.
Þór hefur þar með fjögur stig í fjórða sæti deildarinnar eftir þrjá leiki. Fram er án stiga.
Mörk Þórs: Kostadin Petrov 14, Arnór Þorri Þorsteinsson 13, Jonn Rói Tórfinnsson 4, Viðar Ernir Reimarsson 3, Josip Vekic 2.
Varin skot: Arnar Þór Fylkisson 14.
Mörk Fram U.: Reynir Þór Stefánsson 8, Kjartan Þór Júlíusson 7, Eiður Rafn Valsson 7, Daníel Stefán Reynisson 3, Tindur Ingólfsson 2, Róbert Árni Guðmundsson 2, Theodór Sigurðsson 1, Sigurður Bjarki Jónsson 1.
Varin skot: Arnór Máni Daðason 9.
Staðan og næstu leikir í Grill66-deildunum.
- Auglýsing -
